സൂപ്പര്‍ ലീഗ് പോയിന്റുകള്‍ ഏറെ നിര്‍ണ്ണായകം, മൂന്നാം ഏകദിനത്തെ നിസ്സാരമാക്കരുത് – റോസ് ടെയിലര്‍

Sports Correspondent

Download the Fanport app now!
Appstore Badge
Google Play Badge 1

ബംഗ്ലാദേശിനെതിരെയുള്ള മൂന്നാം ഏകദിനത്തെ നിസ്സാരമാക്കി കാണരുതെന്ന് പറഞ്ഞ് റോസ് ടെയിലര്‍. പരമ്പര നേരത്തെ തന്നെ വിജയിച്ചതാണെങ്കിലും ലോകകപ്പ് സൂപ്പര്‍ ലീഗിന്റെ പോയിന്റുകള്‍ക്ക് വിജയം ഏറെ നിര്‍ണ്ണായകമായതിനാല്‍ തന്നെ മത്സരത്തെ അതീവ ഗൗരവകരമായി കാണേണ്ടതുണ്ടെന്ന് ന്യൂസിലാണ്ട് സീനിയര്‍ താരം പറഞ്ഞു. ആദ്യ രണ്ട് മത്സരങ്ങളിലും പരിക്ക് മൂലം കളിക്കാതിരുന്ന താരം നാളെ നടക്കുന്ന മൂന്നാം ഏകദിനത്തില്‍ കളിക്കുമെന്നാണ് അറിയുന്നത്.

ഡെഡ് റബര്‍ എന്ന ആശയം ഇപ്പോള്‍ ലോകകപ്പ് പോയിന്റുകള്‍ നിലവില്‍ വന്നതിനാല്‍ തന്നെ ഇല്ലെന്നും പരമ്പര ജയിച്ചുവെങ്കിലും മൂന്നാം മത്സരവും വിജയത്തിന് തന്നെ ടീം ശ്രമിക്കണമെന്നും റോസ് ടെയിലര്‍ പറഞ്ഞു. ബംഗ്ലാദേശ് ആശ്വാസ വിജയത്തിനായി ശ്രമിക്കുമെന്ന് ഉറപ്പാണെന്നും അതിനാല്‍ തന്നെ എതിരാളികളെ വിലകുറച്ച് കാണരുതന്നും റോസ് ടെയിലര്‍ അഭിപ്രായപ്പെട്ടു.