അസഭ്യകരമായ സംസാരം, സ്റ്റുവര്‍ട് ബ്രോഡിന് പിഴ

Sports Correspondent

Download the Fanport app now!
Appstore Badge
Google Play Badge 1

മാഞ്ചസ്റ്ററിലെ പാക്കിസ്ഥാനെതിരെയുള്ള ടെസ്റ്റ് മത്സരത്തിനിടെ അസഭ്യം പറഞ്ഞതിന് സ്റ്റുവര്‍ട് ബ്രോഡിനെതിരെ പിഴ. 15 ശതമാനം മാച്ച് ഫീയും ഒരു ഡീമെറിറ്റ് പോയിന്റുമാണ് താരത്തിന് മേല്‍ പിഴയായി ചുമത്തിയി്ടടുള്ളത്. പാക്കിസ്ഥാന്റെ രണ്ടാം ഇന്നിംഗ്സില്‍ 46ാം ഓവറിലാണ് സംഭവം നടക്കുന്നത്.

പാക് താരം യസീര്‍ ഷായെ പുറത്താക്കിയ ശേഷമാണ് സ്റ്റുവര്‍ട് ബ്രോഡ് അസഭ്യം പറഞ്ഞത്. 24 മാസ കാലയളവില്‍ താരത്തിന് ഇപ്പോള്‍ മൂന്ന് ഡീമെറിറ്റ് പോയിന്റാണുള്ളത്. നേരത്തെ ദക്ഷിണാഫ്രിക്കയ്ക്കെതിരെ വാണ്ടറേഴ്സിലും ഇന്ത്യയ്ക്കെതിരെ ട്രെന്‍ഡ് ബ്രിഡ്ജിലും താരത്തിനെതിരെ ഡീമെറ്റിറ് പോയിന്റുകള്‍ നല്‍കിയിട്ടുണ്ട്.

മാച്ച റഫറിയും ബ്രോഡിന്റെ പിതാവായ ക്രിസ് ബ്രോഡിനോട് താരം കുറ്റങ്ങളെല്ലാം സമ്മതിച്ചതിനാല്‍ ഔദ്യോഗിക ഹിയറിംഗ് ഉണ്ടായിട്ടില്ല.