ബാബര്‍ അസം ക്ലാസ്സ് ഉള്ള കളിക്കാരന്‍, അദ്ദേഹത്തെ പുറത്താക്കുവാന്‍ സാധിച്ചതില്‍ സന്തോഷം – സ്റ്റുവര്‍ട് ബ്രോഡ്

- Advertisement -

ബാബര്‍ അസമിനെ പുറത്താക്കുവാന്‍ സാധിച്ചതില്‍ ഏറെ സന്തോഷമുണ്ടെന്ന് പറഞ്ഞ് സ്റ്റുവര്‍ട് ബ്രോഡ്. ബാബര്‍ ഒരു ക്ലാസ്സി പ്ലെയര്‍ ആണെന്നും അദ്ദേഹത്തെ സൗത്താംപ്ടണില്‍ പുറത്താക്കുവാന്‍ സാധിച്ചതില്‍ അഭിമാനം തോന്നുന്നുവെന്ന് ബ്രോഡ് അഭിപ്രായപ്പെട്ടു. 47 റണ്‍സാണ് ബാബര്‍ അസം നേടിയത്. 127 പന്തില്‍ നിന്ന് കരുതലോടെ ഇന്നിംഗ്സ് പടുത്തുയര്‍ത്തിയപ്പോളാണ് താരത്തിന് ബ്രോഡിന് വിക്കറ്റ് നല്‍കി മടങ്ങേണ്ടി വന്നത്.

രണ്ടര മണിക്കൂറോളം ക്രീസില്‍ ചെലവഴിച്ച ബാബര്‍ നിലയുറപ്പിക്കുമെന്ന് തോന്നിപ്പിച്ച നിമിഷത്തിലാണ് ഈ വിക്കറ്റ് ബ്രോഡ് നേടിയത്. അത് വളരെ വലിയ വിക്കറ്റാണെന്ന് ഇംഗ്ലണ്ട് ടീം മനസ്സിലാക്കുന്നുണ്ടായിരുന്നുവെന്നും ബ്രോഡ് വ്യക്തമാക്കി.

Advertisement