ഇന്ത്യയോടുള്ള ലോകകപ്പ് ഫൈനൽ തോൽവിയെ പറ്റി അന്വേഷണം ആരംഭിച്ച് ശ്രീലങ്ക

- Advertisement -

2011ലെ ഏകദിന ലോകകപ്പ് ഫൈനൽ ഇന്ത്യയോട് ശ്രീലങ്ക മനഃപൂർവം തോറ്റുകൊടുത്തതാണെന്ന ആരോപണത്തിന് പിന്നാലെ സംഭവത്തിൽ അന്വേഷണം പ്രഖ്യാപിച്ച് ശ്രീലങ്കൻ സർക്കാർ. കഴിഞ്ഞ ദിവസം മുൻ ശ്രീലങ്കൻ കായികമന്ത്രി ശ്രീലങ്ക ലോകകപ്പ് ഫൈനലിൽ ഇന്ത്യയോട് മനഃപൂർവം തോറ്റ്‌കൊടുത്തെന്ന ആരോപണം ഉന്നയിച്ചിരുന്നു.

തുടർന്നാണ് ഈ വിഷയത്തിൽ സർക്കാർ അന്വേഷണം പ്രഖ്യാപിച്ചത്. ശ്രീലങ്കൻ കായിക മന്ത്രി ഡള്ളാസ് അലഹപെരുമായാണ് ഈ വിഷയത്തിൽ അന്വേഷണം നടത്താനും ഓരോ രണ്ട് ആഴ്ച കൂടുമ്പോഴും പുരോഗതി അറിയിക്കാനും അന്വേഷണം ഉദ്യോഗസ്ഥരെ അറിയിച്ചത്.

എന്നാൽ കഴിഞ്ഞ ദിവസം കായിക മന്ത്രി ഉയർത്തിയ ആരോപണങ്ങൾക്കെതിരെ മുൻ താരങ്ങളായ സംഗക്കാരയും മഹേള ജയവർധനയും രംഗത്ത് വന്നിരുന്നു. നേരത്തെ 2017ൽ ഇതേ ആരോപണവുമായി മുൻ ശ്രീലങ്കൻ ക്യാപ്റ്റൻ അർജുന രണതുംഗയും രംഗത്ത് വന്നിരുന്നു.

Advertisement