സെലക്ഷന്‍ പാനലിനെ വീണ്ടും പുനഃക്രമീകരിച്ച് ശ്രീലങ്കന്‍ ബോര്‍ഡ്

- Advertisement -

9 മാസത്തെ കാലാവധി മാത്രമുള്ള നിലവിലെ സെലക്ഷന്‍ പാനലിനെ പുനഃക്രമീകരിച്ച് ശ്രീലങ്കന്‍ ബോര്‍ഡ്. നിലവിലെ ചെയര്‍മാന്‍ അശാന്ത ഡി മെല്‍ തന്റെ സ്ഥാനം നിലനിര്‍ത്തിയപ്പോള്‍ ബ്രെണ്ടന്‍ കുറുപ്പുവും ഹേമന്ത വിക്രമരത്നേയും പാനലില്‍ നിന്ന് പുറത്ത് പോകുന്നു. പകരം വിനോതന്‍ ജോണ്‍ പാനലിലേക്ക് എത്തുന്നു. ഒരു വര്‍ഷത്തെ കാലാവധിയാണ് പുതിയ പാനലിന് ലങ്കന്‍ ബോര്‍ഡ് നല്‍കിയിരിക്കുന്നത്. മുന്‍ പാനലില്‍ അംഗമായിരുന്ന ചാമിന്ദ മെന്‍ഡിസ് തന്റെ സ്ഥാനം നിലനിര്‍ത്തുന്നുണ്ട്.

ലോകകപ്പിലെ മോശം ഫോമും കഴിഞ്ഞ കാലമായി ടീമിന്റെ മോശം പ്രകടനവുമാണ് ലങ്കന്‍ ബോര്‍ഡിന്റെ ഈ തീരുമാനത്തിന് പിന്നിലെന്നാണ് അറിയുന്നത്.

Advertisement