കായിക മന്ത്രി മനോജ് തിവാരിയെ ഉള്‍പ്പെടുത്തി ഫിറ്റ്നെസ്സ് ക്യാമ്പ് പ്രഖ്യാപിച്ച് ബംഗാള്‍ ക്രിക്കറ്റ് അസോസ്സിയേഷന്‍. 39 അംഗ സാധ്യത സംഘത്തെയാണ് ഇപ്പോള്‍ ക്രിക്കറ്റ് അസോസ്സിയേഷന്‍ ഓഫ് ബംഗാള്‍(CAB) പ്രഖ്യാപിച്ചിരിക്കുന്നത്.
ടീമിന്റെ നെടുംതൂണായി പല വര്‍ഷങ്ങള്‍ കളിച്ച താരമാണ് മനോജ് തിവാരി. 2020 രഞ്ജി ഫൈനലിൽ ബംഗാളിന് വേണ്ടി സൗരാഷ്ട്രയ്ക്കെതിരെ താരം കളിച്ചിരുന്നു. ബംഗാളിന് വേണ്ടി ഫിറ്റാണെങ്കിൽ താന്‍ ഇനിയും ഏതാനും മത്സരങ്ങള്‍ കളിച്ചേക്കാമെന്നും താരം വെളിപ്പെടുത്തി.
ടീമിന് വേണ്ടി കളിക്കുവാന്‍ ആഗ്രഹമുള്ള താരങ്ങളെല്ലാം ഫിറ്റ്നെസ്സ് ക്യാമ്പിൽ പങ്കാളിത്തം ഉറപ്പാക്കണമെന്നും കാബ് സെക്രട്ടറി സ്നേഹാശിഷ് ഗാംഗുലി വ്യക്തമാക്കി.
