ചതുര്‍ദിന അനൗദ്യോഗിക ടെസ്റ്റ് മത്സരത്തില്‍ ദക്ഷിണാഫ്രിക്കയുടെ അണ്ടര്‍ 19 ടീമിനു മേല്‍ വ്യക്തമായ മേല്‍ക്കൈ നേടി ഇന്ത്യ. ഹൃതിക് ഷൗക്കീനും അന്‍ഷുല്‍ കാംബോജും സബീര്‍ ഖാനും മികവ് പുലര്‍ത്തിയ മത്സരത്തില്‍ ഒന്നാം ദിവസം തന്നെ ദക്ഷിണാഫ്രിക്കയെ പ്രതിരോധത്തിലാക്കുകയായിരുന്നു ഇന്ത്യ. ദക്ഷിണാഫ്രിക്കന്‍ നായകന്‍ മാത്യൂ മോണ്ടോഗോമറിയുടെ അര്‍ദ്ധ ശതകവും ബോംഗ മഖാക്ക(31) എന്നിവരുടെ പ്രകടനത്തിനൊപ്പം ബ്രൈസ് പാര്‍സണ്‍സ്(36*) അച്ചില്ലേ ക്ലോട്ടേ(13*) എന്നിവരുടെ ചെറുത്ത് നില്പുമാണ് ദക്ഷിണാഫ്രിക്കയുടെ സ്കോര്‍ ചായ സമയത്ത് 173/7 റണ്‍സില്‍ എത്തിച്ചത്.
ഇന്ത്യയ്ക്കായി ഹൃതിക് മൂന്നും അന്‍ഷുല്‍, സബീര്‍ എന്നിവര്‍ രണ്ട് വീതം വിക്കറ്റും നേടി. മത്സരത്തില്‍ ടോസ് നേടി ദക്ഷിണാഫ്രിക്ക ബാറ്റിംഗ് തിരഞ്ഞെടുക്കുകയായിരുന്നു.
