സിറാജിന് ടീമിൽ ഇടം ലഭിയ്ക്കും – ഹര്‍ഭജന്‍ സിംഗ്

Sports Correspondent

Download the Fanport app now!
Appstore Badge
Google Play Badge 1

അടുത്തിടെ അരങ്ങേറ്റം കുറിച്ച മുഹമ്മദ് സിറാജ് ലോക ടെസ്റ്റ് ചാമ്പ്യന്‍ഷിപ്പ് ഫൈനലിൽ കളിക്കുമെന്ന് പറ‍ഞ്ഞ് മുന്‍ ഇന്ത്യന്‍ താരം മുഹമ്മദ് സിറാജ്. താരം മികച്ച ഫോമിലാണ് ഓസ്ട്രേലിയയിലും ഇംഗ്ലണ്ട് പരമ്പരയിലും അതിന് ശേഷം ഐപിഎലിലും പന്തെറിഞ്ഞത്. ഹര്‍ഭജന്‍ സിംഗ് പറ‍ഞ്ഞത് താനാണ് ക്യാപ്റ്റനെങ്കില്‍ ഇഷാന്ത് ശര്‍മ്മയ്ക്ക് പകരം സിറാജിന് അവസരം നല്‍കിയേനെ എന്നാണ്.

ജസ്പ്രീത് ബുംറയും മുഹമ്മദ് ഷമിയും ടീമിലെ പ്രധാന ബൗളര്‍മാരായി എത്തുമെന്നും മൂന്നാം പേസറുടെ റോളിൽ എത്തുക സിറാജോ ഇഷാന്ത് ശര്‍മ്മയോ ആയേക്കാമെന്നും എന്നാൽ താനാണ് ക്യാപ്റ്റനെങ്കിൽ ഇപ്പോളത്തെ ഫോം പരിഗണിച്ച് സിറാജിനായിരിക്കും അന്തിമ ഇലവനിൽ സാധ്യതയെന്നും ഹര്‍ഭജന്‍ സൂചിപ്പിച്ചു.

സിറാജിന്റെ ഫോം, പേസ്, ആത്മവിശ്വാസം എന്നിവ താരത്തിനാണ് കൂടുതൽ സാധ്യത നല്‍കുന്നതെന്നും ഹര്‍ഭജന്‍ വ്യക്തമാക്കി. ഫൈനൽ മത്സരത്തിൽ കഴി‍ഞ്ഞ ആറ് മാസത്തെ ഫോം പരിഗണിച്ചാൽ താന്‍ സിറാജിന് അവസരം നല്‍കുമെന്നും ഇഷാന്ത് പരിക്കിന്റെ പിടിയിലായിരുന്നു ഈ കാലഘട്ടത്തിലെന്നും ഹര്‍ഭജന്‍ പറ‍ഞ്ഞു.