ബ്രിസ്ബെയിനില് വിജയം സ്വന്തമാക്കുവാന് ഇന്ത്യ നേടേണ്ടത് 328 റണ്സ്. ഇന്ന് ഓസ്ട്രേലിയയുടെ രണ്ടാം ഇന്നിംഗ്സ് 294 റണ്സിന് അവസാനിപ്പിച്ചാണ് ഇന്ത്യ ഈ ലക്ഷ്യം തേടിയിറങ്ങുന്നത്.
മുഹമ്മദ് സിറാജ് അഞ്ചും ശര്ദ്ധുല് താക്കൂര് നാലും വിക്കറ്റ് നേടി ആണ് ഓസ്ട്രേലിയയുടെ ഇന്നിംഗ്സിന് തിരശ്ശീല വീഴ്ത്തിയത്. ഓസീസ് നിരയില് സ്റ്റീവ് സ്മിത്ത് 55 റണ്സും കാമറൂണ് ഗ്രീന് 37 റണ്സും നേടിയപ്പോള് ടിം പെയിന്(27) റണ്സ് നേടി പുറത്തായി.
അവസാന ഓവറുകളില് പാറ്റ് കമ്മിന്സാണ് ഓസ്ട്രേലിയയുടെ ലീഡ് ഉയര്ത്തുവാന് സഹായിച്ചത്. താരം പുറത്താകാതെ 28 റണ്സ് നേടി.
