ശ്രീലങ്കന്‍ ടൂറിനുള്ള ബംഗ്ലാദേശ് ടീമിനെ പ്രഖ്യാപിച്ചു. മഷ്റഫെ മൊര്‍തസയുടെ അന്താരാഷ്ട്ര ക്രിക്കറ്റില്‍ നിന്നുള്ള അഭ്യൂഹങ്ങള്‍ക്ക് വിരാമമായി താരം തന്നെ ലങ്കന്‍ പര്യടനത്തിലും ടീമിനെ നയിക്കുമെന്ന് ബംഗ്ലാദേശ് ക്രിക്കറ്റ് ബോര്‍ഡ് പ്രഖ്യാപിച്ചു. അതേ സമയം ഷാക്കിബ് അല്‍ ഹസന് വിശ്രമം നല്‍കുവാന്‍ ബോര്‍ഡ് തീരുമാനിച്ചു. നേരത്തെ തന്നെ ബംഗ്ലാദേശ് ബോര്‍ഡിനോട് ഷാക്കിബ് തനിക്ക് വിശ്രമം നല്‍കണമെന്ന് ആവശ്യപ്പെട്ടിരുന്നു. ലിറ്റണ്‍ ദാസിനും വിശ്രമം നല്‍കി. താരത്തിന്റെ വിവാഹം അടുത്തിരിക്കുന്നതിനാലാണ് ഈ തീരുമാനം.
ഷാക്കിബ് ലോകകപ്പില്‍ 606 റണ്‍സും 11 വിക്കറ്റുകളുമാണ് നേടിയത്. ലോകകപ്പ് സ്ക്വാഡില്‍ അംഗമായ അബു ജയേദിനെ ലങ്കന്‍ പര്യടനത്തിന് പരിഗണിച്ചില്ല. ലോകകപ്പില്‍ താരത്തിന് ഒരു മത്സരവും കളിക്കുവാന്‍ അവസരം ലഭിച്ചിരുന്നില്ല. ജൂലൈ 26, 28, 31 തീയ്യതികളിലാണ് ഏകദിന മത്സരങ്ങള്‍ നടക്കുക.
സ്ക്വാഡ്: മഷ്റഫെ മൊര്‍തസ, തമീം ഇക്ബാല്‍, സൗമ്യ സര്‍ക്കാര്‍, മുഷ്ഫിക്കുര്‍ റഹിം, മഹമ്മദുള്ള റിയാദ്, മുഹമ്മദ് മിഥുന്‍, മൊസ്ദേക്ക് ഹൊസൈന്‍ സൈക്കത്, സബ്ബിര്‍ റഹ്മാന്‍, റൂബല്‍ ഹൊസൈന്‍, മുസ്തഫിസുര്‍ റഹ്മാന്‍, അനാമുള്‍ ഹക്ക്, മെഹ്ദി ഹസന്, മുഹമ്മദ് സൈഫുദ്ദീന്‍, തൈജുല്‍ ഇസ്ലാം.
