ദക്ഷിണാഫ്രിക്കയെ യസീര്‍ ഷാ ബുദ്ധിമുട്ടുക്കുമെന്ന പ്രതീക്ഷയില്‍ സര്‍ഫ്രാസ് അഹമ്മദ്

Sports Correspondent

Download the Fanport app now!
Appstore Badge
Google Play Badge 1

തന്റെ ഫോമിന്റെ ഏറ്റവും ഉന്നതിയിലുള്ള യസീര്‍ ഷായ്ക്ക് ദക്ഷിണാഫ്രിക്കയെ വെള്ളം കുടിയ്പ്പിക്കാനാകുമന്ന പ്രതീക്ഷയില്‍ പാക്കിസ്ഥാന്‍ നായകന്‍ സര്‍ഫ്രാസ് അഹമ്മദ്. ഇന്ന് സെഞ്ചൂറിയണില്‍ ആരംഭിക്കുന്ന ആദ്യ ടെസ്റ്റിലെ പിച്ച് പൊതുവേ പേസിനും ബൗണ്‍സിനും തുണയുള്ളതാണെങ്കില്‍ അടുത്തിടെ സ്പിന്‍ ബൗളര്‍മാര്‍ക്കും ഇത് മികച്ച പിന്തുണ നല്‍കുന്നുവെന്നാണ് പാക്കിസ്ഥാന്‍ ടീം മാനേജ്മെന്റിന്റെ പ്രതികരണം.

ന്യൂസിലാണ്ടിനെതിരെയും പൊതുവേ ഈ സീസണില്‍ മികച്ച ഫോമിലുള്ള യസീര്‍ ഷായുടെ മികവില്‍ തങ്ങള്‍ക്ക് പ്രതീക്ഷിക്കുവാന്‍ വകയുണ്ടെന്നാണ് പാക്കിസ്ഥാന്‍ നായകന്റെ അഭിപ്രായം. സെഞ്ചൂറിയണില്‍ നാലാം ഇന്നിംഗ്സില്‍ ബാറ്റ് ചെയ്യുക ശ്രമകരമാണെന്നിരിക്കെ യസീറിനെപ്പോലുള്ള താരം ടീമിലുള്ളത് പാക്കിസ്ഥാനു ഗുണം ചെയ്യും.

മുഹമ്മദ് അബ്ബാസും ഷദബ് ഖാനും സെലക്ഷനു ലഭ്യമല്ലെങ്കിലും തന്റെ ടീമില്‍ മികവുള്ള ബൗളര്‍മാര്‍ വേറെയുമുണ്ടെന്നും ദക്ഷിണാഫഅരിക്കയെ പ്രതിരോധത്തിലാക്കുവാനുള്ള ബൗളിംഗ് കരുത്ത് തങ്ങള്‍ക്കുണ്ടെന്നും സര്‍ഫ്രാസ് പറഞ്ഞു.