അക്തറിനെ നേരിടാൻ സച്ചിന് പേടിയായിരുന്നു : അഫ്രീദി

- Advertisement -

മുൻ പാകിസ്ഥാൻ ഫാസ്റ്റ് ബൗളർ ഷൊഹൈബ് അക്തറിനെ നേരിടാൻ ഇന്ത്യൻ ക്രിക്കറ്റ് ഇതിഹാസം സച്ചിൻ ടെണ്ടുൽക്കറിന് പേടിയായിരുന്നെന്ന് മുൻ പാകിസ്ഥാൻ താരം ഷാഹിദ് അഫ്രീദി. സച്ചിൻ ടെണ്ടുൽക്കർ ഷൊഹൈബ് അക്തർ പന്തെറിയാൻ വരുമ്പോൾ ഭയപ്പെട്ടിരുന്നത് താൻ കണ്ടിരുന്നെന്നും അഫ്രീദി പറഞ്ഞു.

താൻ സ്ക്വായർ ലെഗിൽ ഫീൽഡ് ചെയ്യുമ്പോൾ ഷൊഹൈബ് അക്തർ പന്തെറിയാൻ വന്നപ്പോൾ സച്ചിൻ ടെണ്ടുൽക്കറുടെ കാലുകൾ വിറക്കുന്നത് താൻ കണ്ടെന്നും ഷാഹിദ് അഫ്രീദി പറഞ്ഞു. ഇതേ ആരോപണം ഷാഹിദ് അഫ്രീദി 2011ലും ഉന്നയിച്ചിരുന്നു. എന്നാൽ താൻ ഭയപ്പെട്ടിരുന്നു എന്ന കാര്യം അംഗീകരിക്കാൻ  സച്ചിൻ ടെണ്ടുൽക്കർ തയ്യാറല്ല എന്നും അഫ്രീദി പറഞ്ഞു.

2011ലെ ലോകകപ്പിൽ സയീദ് അജ്മലിന്റെ പന്ത് നേരിടാനും സച്ചിൻ ടെണ്ടുൽക്കർ പേടിച്ചിരുന്നെന്ന് അഫ്രീദി കൂട്ടിച്ചേർത്തു. എന്നാൽ ഇതൊരു വലിയ കാര്യം അല്ലെന്നും കളിക്കാർക്ക് ഇത്തരത്തിലുള്ള സമ്മർദ്ദങ്ങൾ അനുഭവപ്പെടുമെന്നും അഫ്രീദി പറഞ്ഞു.

Advertisement