തന്റെ ക്രിക്കറ്റ് കരിയറിലെ ഏറ്റവും വലിയ രണ്ട് നഷ്ട്ടങ്ങൾ വെളിപ്പെടുത്തി ഇന്ത്യൻ ക്രിക്കറ്റ് ഇതിഹാസം സച്ചിൻ ടെണ്ടുൽക്കർ. മുൻ ഇന്ത്യൻ താരം സുനിൽ ഗവാസ്കറിനൊപ്പം കളിക്കാൻ കഴിയാതെ പോയതാണ് തന്റെ ആദ്യ നഷ്ട്ടമെന്നും ഗാവസ്‌കർ ആയിരുന്നു തന്റെ ബാറ്റിംഗ് ഹീറോയെന്നും സച്ചിൻ പറഞ്ഞു. താൻ ക്രിക്കറ്റിൽ അരങ്ങേറ്റം നടത്തിയ സമയമായപ്പോഴേക്കും സുനിൽ ഗാവസ്‌കർ ക്രിക്കറ്റിൽ നിന്ന് വിരമിച്ചെന്നും സച്ചിൻ കൂട്ടിച്ചേർത്തു.
തന്റെ രണ്ടാമത്തെ നഷ്ട്ടം തന്റെ ബാല്യകാല ഹീറോയായ സർ വിവിയൻ റിച്ചാർഡിസനെതിരെ കളിക്കാൻ കഴിയാത്തതാണെന്നും സച്ചിൻ പറഞ്ഞു. കൗണ്ടി ക്രിക്കറ്റിൽ റിച്ചാർഡ്സിനെതിരെ താൻ കളിച്ചിട്ടുണ്ടെന്നും എന്നാൽ അന്താരാഷ്ട്ര ക്രിക്കറ്റിൽ താരത്തിനെതിരെ കളിക്കാൻ കഴിഞിട്ടിലെന്നും സച്ചിൻ പറഞ്ഞു. റിച്ചാർഡ്‌സ് 1991ലാണ് വിരമിച്ചതെങ്കിലും പരസ്പരം ഇന്റർനാഷണൽ ക്രിക്കറ്റിൽ മത്സരിക്കാൻ അവസരം ലഭിച്ചില്ലെന്നും സച്ചിൻ പറഞ്ഞു.
