ഇംഗ്ലണ്ട് താരം ജോഫ്ര ആര്‍ച്ചറെ തങ്ങളുടെ വൈൽഡ് കാര്‍ഡ് പ്ലേയറായി സ്വന്തമാക്കി ദക്ഷിണാഫ്രിക്കന്‍ ടി20 ലീഗ് ഫ്രാഞ്ചൈസിയായ എംഐ കേപ്ടൗൺ. ഐപിഎൽ ഫ്രാഞ്ചൈസിയായ മുംബൈ ഇന്ത്യന്‍സിന്റെ ഉടമസ്ഥതയിലുള്ള ഫ്രാഞ്ചൈസിയാണ് എംഐ കേപ്ടൗൺ. അതേ സമയം ജോഫ്ര ഐപിഎലില്‍ അടുത്ത സീസണിൽ മുംബൈയ്ക്ക് വേണ്ടിയാണ് കളിക്കുവാനിരിക്കുന്നത്.
ജനുവരി 10 മുതൽ ഫെബ്രുവരി 11 വരെയാണ് എസ്എ20യുടെ ഉദ്ഘാടന പതിപ്പ് നടക്കുക. ഇംഗ്ലണ്ട് ബോര്‍ഡ് താരത്തിന് അനുമതി പത്രം നൽകിയെന്നാണ് ലഭിക്കുന്ന വിവരം. ജൂലൈ 2021ന് ശേഷം കളത്തിന് പുറത്താണ് ജോഫ്ര ആര്‍ച്ചര്‍.
നിലവിൽ ഇംഗ്ലണ്ട് ലയൺസിനൊപ്പം യുഎഇയിൽ തന്റെ റീഹാബ് നടപടികളുമായി ജോഫ്ര മുന്നോട്ട് പോകുകയാണ്.
