വിന്‍ഡീസിനെതിരെ പരമ്പര ജയം സ്വന്തമാക്കിയ മത്സരത്തില്‍ പെരുമാറ്റച്ചട്ട ലംഘനത്തിനു ബംഗ്ലാദേശ് ബൗളര്‍ റൂബല്‍ ഹൊസൈനെതിരെ അച്ചടക്ക നടപടി. താരത്തിനെ ഐസിസിയുടെ 2.1.4 ആര്‍ട്ടിക്കിള്‍ പ്രകാരം മത്സരത്തിനിടെ അസഭ്യം പറഞ്ഞതിനാണ് നടപടി. ഒരു ഡീമെറിറ്റ് പോയിന്റ് താരത്തിനെതിരെ ചുമത്തിയിട്ടുണ്ട്. റൂബല്‍ ഹൊസൈനു ഇപ്പോള്‍ 2 ഡീമെറിറ്റ് പോയിന്റാണുള്ളത്. നേരത്തെ അഫ്ഗാനിസ്ഥാന്‍ ടി20യ്ക്കിടയിലും താരത്തിനു ഒരു ഡീമെറിറ്റ് പോയിന്റ് ലഭിച്ചിരുന്നു.
ഇന്നിംഗ്സിന്റെ ഇരുപത്തിയെട്ടാം ഓവറില്‍ ഷിമ്രണ്‍ ഹെറ്റ്മ്യറിനെതിരെയാണ് താരം അസഭ്യം പറഞ്ഞത് സ്റ്റംപ് മൈക്കില്‍ കേള്‍ക്കുകയായിരുന്നു. താരം കുറ്റം സമ്മതിച്ചതിനാല്‍ ഐസിസിയുടെ ഹിയറിംഗ് ആവശ്യമായി വന്നില്ല. മാച്ച് ഫീസിന്റെ 50% പിഴയും ഒന്നോ രണ്ടോ ഡീമെറിറ്റ് പോയിന്റുമാണ് ലെവല്‍ 1 കുറ്റത്തിനുള്ള ശിക്ഷ.
കൂടുതൽ കായിക വാർത്തകൾക്ക് : www.facebook.com/FanportOfficial
