ക്രിക്കറ്റിലെ ഏത് ഫോര്‍മാറ്റാണ് ഏറ്റവും ഇഷ്ടമെന്ന ഹാഡ്‍ലിയുടെ ചോദ്യത്തിന് ഉത്തരവുമായി റോസ് ടെയിലര്‍

ക്രിക്കറ്റിലെ എല്ലാ ഫോര്‍മാറ്റും തനിക്കിഷ്ടമാണെന്ന് പറഞ്ഞ് റോസ് ടെയിലര്‍. റിച്ചാര്‍ഡ് ഹാഡ്‍ലിയുടെ ചോദ്യത്തിന് മറുപടിയായിട്ടാണ് റോസ് ‍ടെയിലര്‍ അഭിപ്രായം പറഞ്ഞത്. താന്‍ ടി20 ക്രിക്കറ്റ് ഏറെ ആസ്വദിച്ചാണ് കളിക്കുന്നതെന്ന് പറഞ്ഞ താരം തനിക്ക് ഏറ്റവും അനുയോജ്യമായ ഫോര്‍മാറ്റ് ഏകദിനമാണെന്നും പറഞ്ഞു.

തന്റെ പ്രകടനങ്ങള്‍ വെച്ച് നോക്കിയാല്‍ ഏകദിനമാണ് താന്‍ ഏറ്റവും അധികം തിളങ്ങുന്ന ഫോര്‍മാറ്റ്, തനിക്ക് അനുയോജ്യമായതും അവ തന്നെയെന്ന് റോസ് ടെയിലര്‍ പറഞ്ഞു. എന്നാല്‍ ഒരു ക്രിക്കറ്റര്‍ പരിപൂര്‍ണ്ണനാകുന്നത് അത് ടെസ്റ്റ് ക്രിക്കറ്റില്‍ വിജയിക്കുമ്പോളാണെന്ന് റോസ് വ്യക്തമാക്കി. ടെസ്റ്റ് ക്രിക്കറ്റിലെ വിജയം ആണ് ഒരാള്‍ക്ക് പൂര്‍ണ്ണ സംതൃപ്തി നല്‍കുന്നത് എന്ന് റോസ് ടെയിലര്‍ വ്യക്തമാക്കി.