ഇംഗ്ലണ്ടില്‍ ഒരു ശതകം നേടണമെന്ന ആഗ്രഹം പണ്ട് മുതലെ ഉണ്ട് – റോഷ്ടണ്‍ ചേസ്

- Advertisement -

ഇംഗ്ലണ്ടില്‍ ഒരു ശതകം നേടണമെന്നുള്ള ആഗ്രഹം തനിക്ക് പണ്ട് മുതലെയുണ്ടെന്ന് പറഞ്ഞ് റോഷ്ടണ്‍ ചേസ്. തന്റെ അഞ്ച് ശതകങ്ങളില്‍ ഒരെണ്ണം മാത്രമാണ് വെസ്റ്റ് ഇന്‍ഡീസിന് പുറത്തെങ്കിലും തനിക്ക് ഇംഗ്ലണ്ടിനെതിരെയുള്ള പരമ്പരയില്‍ ശതകം നേടുവാനാകുമെന്നാണ് പ്രതീക്ഷിക്കുന്നതെന്ന് ചേസ് വ്യക്തമാക്കി.

വിന്‍ഡീസില്‍ ഇംഗ്ലണ്ടിനെതിരെ താന്‍ ശതകം നേടിയിട്ടുണ്ട്, അതേ സമയം അത് ഇംഗ്ലണ്ടിലും ആവര്‍ത്തിക്കുവാനാകുമെന്നാണ് പ്രതീക്ഷിക്കുന്നതെന്ന് താരം വ്യക്തമാക്കി. ഇംഗ്ലണ്ടില്‍ ശതകങ്ങള്‍ നേടുമ്പോള്‍ ഒരു ബാറ്റ്സ്മാനെ കൂടുതല്‍ ബഹുമാനത്തോടെ ആളുകള്‍ പരിഗണിക്കുമെന്നും നിങ്ങളുടെ നിലവാരം ഉയര്‍ന്നുവെന്ന് വിലയിരുത്തപ്പെടുകയും ചെയ്യുമെന്ന് ചേസ് വ്യക്തമാക്കി.

ഒരു ശതകമെങ്കിലും ഇംഗ്ലണ്ടി‍ല്‍ നേടാനായില്ലെങ്കില്‍ തന്റെ പ്രകടനത്തില്‍ താന്‍ സ്വയം സന്തുഷ്ടനാകില്ലെന്നും വിന്‍ഡീസ് താരം വ്യക്തമാക്കി. ബാറ്റ് കൊണ്ട് മികച്ച സീരീസും ആവശ്യത്തിലധികം റണ്‍സ് നേടുകയും ചെയ്യണമെന്നാണ് തന്റെ ആഗ്രഹമെന്നും ചേസ് സൂചിപ്പിച്ചു.

Advertisement