രോഹിത് ശർമ്മ ടി20യിൽ ക്യാപ്റ്റൻ എന്ന നിലയിൽ എം എസ് ധോണിയുടെ റെക്കോർഡിനൊപ്പം എത്തി. ഇന്നലെ അഫ്ഗാനിസ്താനെതിരായ വിജയത്തോടെയാണ് രോഹിത് ഈ റെക്കോർഡിൽ എത്തിയത്. ഇന്നലെ ഇൻഡോറിൽ നടന്ന രണ്ടാം ടി20യിൽ അഫ്ഗാനിസ്ഥാനെതിരെ ഇന്ത്യ ആറ് വിക്കറ്റ് വിജയം നേടിയിരുന്നു. രോഹിത് ശർമ്മ ഡക്കിൽ പുറത്തായെങ്കിലും ടീമിനെ ജയത്തിലേക്ക് നയിക്കാൻ അദ്ദേഹത്തിനായി.
ക്യാപ്റ്റനെന്ന നിലയിൽ 72 മത്സരങ്ങളിൽ നിന്ന് 41 ടി20 ഐ വിജയങ്ങൾ ധോണി സ്വന്തമാക്കിയിട്ടുണ്ട്‌. രോഹിത് 53 ടി20 ഐകളിൽ നായകനായിട്ടുണ്ട്‌. ഇതിൽ നിന്നാണ് 41-ാം വിജയം അദ്ദേഹം നേടിയത്.
