താന്‍ പന്തെറിയുവാന്‍ ബുദ്ധിമുട്ടിയിട്ടുള്ള താരങ്ങള്‍ രോഹിത് ശര്‍മ്മയും സ്റ്റീവ് സ്മിത്തും

- Advertisement -

തന്റെ ഇതുവരെയുള്ള കരിയറില്‍ പന്തെറിയുവാന്‍ ഏറ്റവും പ്രയാസമായി തോന്നിയത് രോഹിത് ശര്‍മ്മയ്ക്കും സ്റ്റീവന്‍ സ്മിത്തിനും എതിരെയാണെന്ന് പറഞ്ഞ് പാക്കിസ്ഥാന്‍ ഓള്‍റൗണ്ടര്‍ ഷദബ് ഖാന്‍. പാക്കിസ്ഥാന്‍ ടീമിലെത്തി മൂന്ന് വര്‍ഷമായിട്ടുള്ള ഈ 21 വയസ്സുകാരന്‍ താരം ബാറ്റ് കൊണ്ടും ബോള് കൊണ്ടും ശ്രദ്ധേയമായ പ്രകടനമാണ് പുറത്തെടുത്തിട്ടുള്ളത്.

തന്നോട് പന്തെറിയുവാന്‍ ഏറ്റവും പ്രയാസമുള്ള താരത്തെ തിരഞ്ഞെടുക്കുവാന്‍ പറഞ്ഞപ്പോള്‍ ഷദബ് ഇന്ത്യയുടെ രോഹിത് ശര്‍മ്മയെയും ഓസ്ട്രേലിയയുടെ സ്റ്റീവ് സ്മിത്തിനെയും തിരഞ്ഞെടുക്കുകയായിരുന്നു. ഓസ്ട്രേലിയയില്‍ സ്പിന്നിന് അനുകൂലമല്ലാത്ത സാഹചര്യമാണെന്നത് സ്മിത്തിനെതിരെ പന്തെറിയുവാന്‍ പ്രയാസമാണെന്ന് പറഞ്ഞു.

അതേ സമയം രോഹിത്തിനെതിരെ ചെറിയ വീഴ്ച പറ്റിയാല്‍ തന്നെ താരം കണക്കറ്റ് പ്രഹരിക്കുമെന്നും വളരെ പ്രയാസമാണ് ഇന്ത്യന്‍ താരത്തിനെതിര പന്തെറിയുവാനെന്നും ഷദബ് വ്യക്തമാക്കി.

Advertisement