ന്യൂസിലാണ്ടിനെതിരെ മൂന്നാം ഏകദിനത്തിൽ തുടക്കത്തിലെ തകര്‍ച്ചയ്ക്ക് ശേഷം 280 റൺസ് നേടി പാക്കിസ്ഥാന്‍. ഇന്ന് നടന്ന മത്സരത്തിൽ ഷാന്‍ മസൂദിനെയും ബാബര്‍ അസമിനെയും നഷ്ടമായ ശേഷം മൊഹമ്മദ് റിസ്വാന്‍ – ഫകര്‍ സമന്‍ കൂട്ടുകെട്ട് 154 റൺസ് നേടിയാണ് ടീമിനെ മുന്നോട്ട് നയിച്ചത്.
ഇരുവരും ഏതാനും ഓവറുകളുടെ വ്യത്യാസത്തിൽ പുറത്തായത് പാക്കിസ്ഥാന്റെ പ്രതീക്ഷകള്‍ക്ക് തിരിച്ചടിയായി. റിസ്വാന്‍ 77 റൺസ് നേടിയപ്പോള്‍ ഫകര്‍ സമന്‍ 101 റൺസ് നേടി റണ്ണൗട്ട് ആകുകയായിരുന്നു. അഗ സൽമാന്‍ 45 റൺസിന്റെ നിര്‍ണ്ണായക സംഭാവന നൽകി അവസാന ഓവറുകളിൽ പാക്കിസ്ഥാനെ മുന്നോട്ട് നയിക്കുകയായിരുന്നു. 9 വിക്കറ്റ് നഷ്ടത്തിലാണ് പാക്കിസ്ഥാന്‍ 280 റൺസ് നേടിയത്.
ന്യൂസിലാണ്ടിനായി ടിം സൗത്തി മൂന്ന് വിക്കറ്റ് നേടിയപ്പോള്‍ ലോക്കി ഫെര്‍ഗൂസൺ രണ്ട് വിക്കറ്റ് നേടി.
