പന്തിന്റെ കളി കാണുമ്പോള്‍ തനിക്ക് യുവരാജിനെയും സേവാഗിനെയും ഓര്‍മ്മ വരുന്നു

ഋഷഭ് പന്ത് കളിക്കുന്നത് കാണുമ്പോള്‍ തനിക്ക് യുവരാജ് സിംഗിനെയും വിരേന്ദര്‍ സേവാഗിനെയും ഓര്‍മ്മ വരുന്നുവെന്ന് പറഞ്ഞ് സുരേഷ് റെയ്‍ന. താരം ആധിപത്യം ഉറപ്പിച്ച് കഴിഞ്ഞാല്‍ യുവരാജും സേവാഗുമെല്ലാം ഗ്രൗണ്ടില്‍ സൃഷ്ടിക്കുന്ന പ്രഭാവമാണെ് ഉണ്ടാകുന്നതെന്ന് റെയ്ന പറഞ്ഞു. അത് പോലെ തന്നെ ദ്രാവിഡിന്റെ ഫ്ലിക്ക് പോലെയാണ് പന്തിന്റെ ഫ്ലിക്കെന്നും റെയ്‍ന വ്യക്തമാക്കി.

പന്ത് മികച്ച ഫോമിലുള്ളപ്പോള്‍ പിടിച്ച് കെട്ടുവാന്‍ പാടുള്ള താരമാണെന്ന് പല മുന്‍ ഇന്ത്യന്‍ മഹാരഥന്മാരെയും താരം ഓര്‍മ്മപ്പെടുത്തുന്നുവെന്ന് റെയ്‍ന വ്യക്തമാക്കി. പന്തിനെ ധോണിയുടെ പകരക്കാരനായാണ് വിലയിരുത്തപ്പെടുന്നതെങ്കിലും ഇപ്പോള്‍ കീപ്പിംഗ് ദൗത്യം കെഎല്‍ രാഹുലിനെയാണ് ടീം മാനേജ്മെന്റ് ഏല്പിച്ചിരിക്കുന്നത്.