ഋഷഭ് പന്ത് ആയിരിക്കും ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ ഏറ്റവും വലിയ ഭീഷണി അല്ലെങ്കില്‍ തലവേദന എന്ന് പറഞ്ഞ് ന്യൂസിലാണ്ട് ബൗളിംഗ് കോച്ച് ഷെയിന്‍ ജുര്‍ഗെന്‍സന്‍. താരം വളരെ അപകടകാരിയാണെന്നും ഒറ്റയ്ക്ക് മത്സരങ്ങള്‍ മാറ്റി മറിയ്ക്കുവാന്‍ കഴിയുന്ന വ്യക്തിയാണെന്നും ഷെയിന്‍ പറഞ്ഞു.
ഓസ്ട്രേലിയയ്ക്കെതിരെയും ഇംഗ്ലണ്ടിനെതിരെയുമുള്ള താരത്തിന്റെ പ്രകടനം എന്താണെന്ന് കണ്ടതാണെന്നും പോസിറ്റീവ് മൈന്‍ഡ്സെറ്റോടു കൂടി ബാറ്റ് വീശുന്ന താരത്തിന്റെ വിക്കറ്റ് എടുക്കുവാനുള്ള സാധ്യതയും അതിനൊപ്പമുണ്ടെന്ന് ഷെയിന്‍ വ്യക്തമാക്കി.
