റിങ്കു സിംഗിനു സസ്പെന്‍ഷന്‍

- Advertisement -

ഇന്ത്യ എ ടീമില്‍ അംഗമായ റിങ്കു സിംഗിനെ സസ്പെന്‍ഡ് ചെയ്ത് ബിസിസിഐ. മൂന്ന് മാസത്തേക്കാണ് സസ്പെന്‍ഷന്‍. അംഗീകൃതമല്ലാത്തൊരു ടി20 ടൂര്‍ണ്ണമന്റില്‍ താരം കളിച്ചതിനാണ് ഇപ്പോള്‍ ഈ നടപടി വന്നിരിക്കുന്നത്. അബുദാബിയിലാണ് ടൂര്‍ണ്ണമെന്റ് നടന്നത്. ജൂണ്‍ 1 മുതലാണ് വിലക്ക് പ്രാബല്യത്തില്‍ വരുന്നത്. മേയ് 31നു ഇന്ത്യ എ യുടെ ശ്രീലങ്കയ്ക്കെതിരെയുള്ള രണ്ടാം അനൗദ്യോഗിക ടെസ്റ്റ് നാളെ തുടങ്ങാനിരിക്കവെയാണ് ഈ നടപടി.

ബോര്‍ഡുമായി കരാറിലുള്ള താരത്തിനു ബോര്‍ഡിന്റെ അനുമതിയില്ലാതെ കളിയ്ക്കാനാകില്ലെന്ന നിയമം ഉള്ളതിനാലാണ് 21 വയസ്സുകാരന്‍ താരത്തിനെതിരെ നടപടി. ഉത്തരപ്രദേശ് താരം കൊല്‍ക്കത്ത നൈറ്റ് റൈഡേഴ്സിനു വേണ്ടി ഐപിഎലില്‍ കളിച്ചിട്ടുള്ള താരമാണ്.

Advertisement