കേരളത്തിന്റെ രണ്ടാം ഇന്നിംഗ്സ് 455 റണ്‍സിനു അവസാനിച്ചു. മത്സരത്തില്‍ ഇപ്പോള്‍ കേരളത്തിനു 190 റണ്‍സിന്റെ ലീഡാണ് കൈവശമുള്ളത്. ബേസില്‍ തമ്പി 57 റണ്‍സ് നേടി പുറത്തായപ്പോള്‍ വിഷ്ണു വിനോദ് തന്റെ ഇരട്ട ശതകത്തിനു 7 റണ്‍സ് അകലെ വരെ എത്തി നില്‍ക്കുകയായിരുന്നു. 131 റണ്‍സാണ് ഒമ്പതാം വിക്കറ്റില്‍ കേരളത്തിനായി തമ്പി-വിഷ്ണു കൂട്ടുകെട്ട് നേടിയത്.
ഇന്ന് വീണ രണ്ട് വിക്കറ്റും മധ്യ പ്രദേശിനായി വീഴ്ത്തിയത് ശുഭം ശര്‍മ്മയാണ്. നേരിട്ട ആദ്യ പന്തില്‍ തന്നെ സന്ദീപ് വാര്യര്‍ പുറത്തായപ്പോള്‍ കേരളത്തിന്റെ ഇന്നിംഗ്സ് 455 റണ്‍സില്‍ അവസാനിച്ചു. വിഷ്ണു വിനോദ് 193 റണ്‍സുമായി പുറത്താകാതെ നിന്നു. 390/8 എന്ന നിലയില്‍ ഇന്ന് 65 റണ്‍സ് കൂടിയാണ് കേരളം തങ്ങളുടെ സ്കോറിനോട് നേടിയത്.
