ആദ്യ സെഷനില്‍ റണ്‍സ് കണ്ടെത്താന്‍ വലഞ്ഞ് കേരളം, എട്ട് വിക്കറ്റ് നഷ്ടം

- Advertisement -

മധ്യ പ്രദേശിനെതിരെ ടോസ് നേടി ബാറ്റിംഗ് തിരഞ്ഞെടുത്ത കേരളത്തിനു തകര്‍ച്ച. കുല്‍ദീപ് രാംപാല്‍ സെന്നിന്റെ ബൗളിംഗിനു മുന്നില്‍ തകര്‍ന്ന ആതിഥേയര്‍ ആദ്യ ദിവസം ഉച്ചഭക്ഷണത്തിനാിയ പിരിയുമ്പോള്‍ 62/8 എന്ന നിലയിലാണ്. കുല്‍ദീപ് മൂന്ന് വിക്കറ്റ് നേടിയപ്പോള്‍ മിഹിര്‍ ഹിര്‍വാനിയും അവേശ് ഖാനും രണ്ട് വീതം വിക്കറ്റ് നേടി. കുമാര്‍  കാര്‍ത്തികേയ സിംഗിനാണ് ഒരു വിക്കറ്റ്.

16 റണ്‍സ് നേടിയ വിഷ്ണു വിനോദ് ആണ് നിലവില്‍ കേരളത്തിന്റെ ടോപ് സ്കോറര്‍. അക്ഷയ് ചന്ദ്രന്‍ 15 റണ്‍സുമായി പുറത്താകാതെ നില്‍ക്കുന്നു. 10 റണ്‍സ് നേടി പുറത്തായ വിഎ ജഗദീഷാണ് രണ്ടക്കം കടന്ന മറ്റൊരു താരം. അക്ഷയ് കെസിയാണ് കൂട്ടായി ഇപ്പോള്‍ ക്രീസിലുള്ളത്.

Advertisement