കേരളം തകര്‍ന്നു, കൈവശം നേരിയ ലീഡ്

- Advertisement -

ബംഗാളിനെതിരെ രഞ്ജി ട്രോഫി മത്സരത്തില്‍ രണ്ടാം ഇന്നിംഗ്സില്‍ കേരളത്തിന് തകര്‍ച്ച. 29 ഓവര്‍ പിന്നിടുമ്പോള്‍ രണ്ടാം ഇന്നിംഗ്സില്‍ കേരളം 97/6 എന്ന നിലയിലാണ്. കേരളത്തിന്റെ പ്രതീക്ഷ മുഴുവന്‍ 31 റണ്‍സുമായി നില്‍ക്കുന്ന വിഷ്ണു വിനോദിലാണ്. റോബിന്‍ ഉത്തപ്പ 33 റണ്‍സ് നേടിയപ്പോള്‍ സഞ്ജു സാംസണ്‍(18) ആണ് രണ്ടക്ക സ്കോര്‍ നേടിയ മറ്റൊരു താരം. സല്‍മാന്‍ നിസാറും രാഹുലും പൂജ്യത്തിന് പുറത്തായപ്പോള്‍ സച്ചിന്‍ ബേബി 9 റണ്‍സ് നേടി പുറത്തായി.

ബംഗാളിന് വേണ്ടി അശോക് ഡിന്‍ഡ രണ്ട് വിക്കറ്റ് നേടിയപ്പോള്‍ ഇഷാന്‍ പോറെല്‍, മുകേഷ് കുമാര്‍, അര്‍ണാബ് നന്ദി, ഷഹ്ബാസ് എന്നിവര്‍ ഓരോ വിക്കറ്റ് നേടിയിട്ടുണ്ട്. കേരളത്തിനിപ്പോള്‍ 29 റണ്‍സിന്റെ ലീഡാണ് കൈവശമുള്ളത്.

Advertisement