രഞ്ജി ട്രോഫിയിൽ ബംഗാളിനെ നേരിടുന്ന കേരളത്തിന് ഇനി വിജയിക്കാൻ എട്ടു വിക്കറ്റ് കൂടെ. മൂന്നാം ദിവസം മത്സരം അവസാനിക്കുമ്പോൾ ബംഗാൾ 77/2 എന്ന നിലയിലാണ്. ഇനി ബംഗാളിന് ജയിക്കാൻ 372 റൺസ് വേണം. കേരളത്തിന് 8 വിക്കറ്റും. 33 റൺസുമായി അഭിമന്യു ഈശ്വരൻ ആണ് ബംഗാളിനായി ക്രീസിൽ ഉള്ളത്‌.
റാഞ്ചോത് സിംഗും സുദീപ് ഗരാമിയും പുറത്തായി. ശ്രേയസ് ഗോപാലും ജലജ് സക്സേനയും ഒരോ വിക്കറ്റ് വീഴ്ത്തി. കേരളം ഇന്ന് രണ്ടാം ഇന്നിങ്സിൽ 265-6 എന്ന റൺസ് എടുത്ത് ഡിക്ലയർ ചെയ്തു. രോഹൻ എസ് കുന്നുമ്മൽ 51, സച്ചിൻ ബേബി 51, ശ്രേയസ് ഗോപാൽ 50 എന്നിവർ രണ്ടാം ഇന്നിങ്സിൽ അർധ സെഞ്ച്വറികൾ നേടി.
നേരത്തെ ആദ്യ ഇന്നിങ്സിൽ 180 റൺസിന് കേരളം ബംഗാളിനെ ഓളൗട്ട് ആക്കിയിരുന്നു.
