ഇന്നിംഗ്സ് ജയം സ്വന്തമാക്കി കേരളം

Pic Credits: Kerala Cricket Association/FB

ഡല്‍ഹിയ്ക്കെതിരെ രഞ്ജി ട്രോഫി മത്സരത്തില്‍ കേരളത്തിനു ഇന്നിംഗ്സ് ജയം. ആദ്യ ഇന്നിംഗ്സില്‍ ഡല്‍ഹിയെ 139 റണ്‍സിനു ഓള്‍ഔട്ട് ആക്കിയ ശേഷം ഡല്‍ഹി രണ്ടാം ഇന്നിംഗ്സില്‍ 154 റണ്‍സിനു ഓള്‍ഔട്ട് ആവുകയായിരുന്നു. രണ്ടാം ഇന്നിംഗ്സില്‍ 41/5 എന്ന നിലയില്‍ തകര്‍ന്ന ഡല്‍ഹിയെ 154 റണ്‍സ് വരെ എത്തിക്കുവാന്‍ അനുജ് റാവത്ത്(31), ശിവം ശര്‍മ്മ(33), സുബോധ് ഭട്ടി(30) എന്നിവരാണ് പിടിച്ച് നില്‍ക്കുവാന്‍ ശ്രമിച്ചത്.

കേരളത്തിനായി സന്ദീപ് വാര്യറും ജലജ് സക്സേനയും മൂന്ന് വീതം വിക്കറ്റും ബേസില്‍ തമ്പിയും സിജോമോന്‍ ജോസഫും രണ്ട് വീതം വിക്കറ്റും നേടി. ഇന്നിംഗ്സിന്റെയും 27 റണ്‍സിന്റെയും വിജയമാണ് കേരളം സ്വന്തമാക്കിയത്.