700ലധികം രഞ്ജി താരങ്ങള്‍ക്കും ആശ്വാസ വേതനം ലഭിച്ചില്ല

Sports Correspondent

Download the Fanport app now!
Appstore Badge
Google Play Badge 1

ബിസിസിഐ രഞ്ജി താരങ്ങള്‍ക്കും ഇതുവരെ കഴിഞ്ഞ സീസണിലെ ആശ്വാസ വേതനം നല്‍കിയിട്ടില്ലെന്ന് റിപ്പോര്‍ട്ടുകള്‍. 700ലധികം താരങ്ങള്‍ക്കാണ് ബിസിസിഐയില്‍ നിന്ന് ഇതുവരെ തങ്ങളുടെ കോംപന്‍സേഷന്‍ ഫീസ് ലഭിക്കാതെ പ്രതിസന്ധിയിലായി നില്‍ക്കുന്നത്. കോവിഡ് കാരണം സംസ്ഥാന യൂണിറ്റുകള്‍ ആവശ്യമായ വിശദാംശങ്ങള്‍ ബിസിസിഐയ്ക്ക് ഇതുവരെ കൈമാറാത്തതാണ് ഇതിന് കാരണമെന്നാണ് ബിസിസിഐ ട്രഷറര്‍ അരുണ്‍ ധുമാല്‍ വ്യക്തമാക്കിയിരിക്കുന്നത്.

2019-20 സീസണിലെ വേതനം ആണ് തടസ്സമായി ഇരിക്കുന്നതെന്നാണ് അറിയുന്ന വിവരം. 2020-21 സീസണില്‍ കോവിഡ് കാരണം സയ്യദ് മുഷ്താഖ് അലി ട്രോഫിയും വിജയ് ഹസാരെ ട്രോഫിയും മാത്രമാണ് ബിസിസിഐ സംഘടിപ്പിച്ചത്. കോംപന്‍സേഷന്‍ സ്കീമിന്റെ സ്വീകാര്യമായ ഫോര്‍മുല നിശ്ചയിക്കുവാനും ബിസിസിഐ തടസ്സം നേരിടുന്നുണ്ടെന്നാണ് ധുമാല്‍ പറഞ്ഞത്.