മുൻ പാകിസ്ഥാൻ താരം റമീസ് രാജയുടെ ഇന്ത്യ – പാകിസ്ഥാൻ ടീമിൽ ഇന്ത്യൻ ബാറ്റ്സ്മാൻമാരുടെ ആധിപത്യം. ടീമിന്റെ മുൻ നിര ബാറ്റ്സ്മാൻമാർ എല്ലാം ഇന്ത്യൻ താരങ്ങളായ ടീമിന്റെ നായകൻ പാകിസ്ഥാന് ലോകകപ്പ് കിരീടം നേടിക്കൊടുത്ത ഇമ്രാൻ ഖാൻ ആണ്. ഫേസ്ബുക്കിൽ സുനിൽ ഗവാസ്കറുമായുള്ള അഭിമുഖത്തിനിടെയാണ് റമീസ് രാജ തന്റെ ഇന്ത്യ – പാകിസ്ഥാൻ ടീം വെളിപ്പെടുത്തിയത്.
ഓപ്പണറായി വിരേന്ദർ സെവാഗിനെയും സുനിൽ ഗവാസ്കറിനെയുമാണ് റമീസ് രാജ ഉൾപ്പെടുത്തിയത്. ഇവരെ കൂടാതെ ഇന്ത്യൻ ക്യാപ്റ്റൻ വിരാട് കോഹ്‌ലി, സച്ചിൻ ടെണ്ടുൽക്കർ, രാഹുൽ ദ്രാവിഡ് എന്നിവരും റമീസ് രാജയുടെ ടീമിൽ ഇടം പിടിച്ചിട്ടുണ്ട്. മുൻ ഇന്ത്യൻ വിക്കറ്റ് കീപ്പർ മഹേന്ദ്ര സിംഗ് ധോണിയാണ് ടീമിന്റെ വിക്കറ്റ് കീപ്പർ.
അതെ സമയം ഇന്ത്യ – പാകിസ്ഥാൻ ടീമിൽ ബൗളറായി ഇന്ത്യയിൽ നിന്ന് മുൻ ഇന്ത്യൻ ക്യാപ്റ്റൻ അനിൽ കുംബ്ലെ മാത്രമാണ് ഉള്ളത്. തന്റെ കൂടെയും തനിക്കൊപ്പവും കളിച്ച താരങ്ങളുടെ ടീമിലാണ് ബൗളറായി അനിൽ കുംബ്ലെയെ റമീസ് രാജ ഉൾപ്പെടുത്തിയത്. ഇമ്രാൻ ഖാൻ, വാസിം അക്രം, വഖാർ യൂനിസ്, സഖ്‌ലൈൻ മുഷ്‌താഖ്‌ എന്നിവരും റമീസ് രാജയുടെ ടീമിലുണ്ട്.
