ധാക്കയില് വ്യക്തമായ ആധിപത്യം ഉറപ്പാക്കി വെസ്റ്റ് ഇന്ഡീസ്. ഇന്ന് മത്സരത്തിന്റെ മൂന്നാം ദിവസം ആദ്യ സെഷന് അവസാനിക്കുമ്പോള് വെസ്റ്റിന്ഡീസിന്റെ 409 റണ്സ് പിന്തുടര്ന്നിറങ്ങിയ ബംഗ്ലാദേശ് 181/6 എന്ന നിലയില് ആണ്. ഇന്ന് മുഹമ്മദ് മിഥുനെ(15) നഷ്ടമായ ശേഷം അധികം വൈകാതെ തന്നെ അര്ദ്ധ ശതകം തികച്ച മുഷ്ഫിക്കുര് റഹിമിനെയും ബംഗ്ലാദേശിന് നഷ്ടമായി.
റഹിം 54 റണ്സാണ് നേടിയത്. ഇരു വിക്കറ്റുകളും വീഴ്ത്തിയത് റഖീം കോര്ണ്വാല് ആയിരുന്നു. ബംഗ്ലാദേശിന് വേണ്ടി 23 റണ്സുമായി ലിറ്റണ് ദാസും 11 റണ്സ് നേടി മെഹ്ദി ഹസനുമാണ ക്രീസിലുള്ളത്. ഇന്നത്തെ ആദ്യ സെഷനില് രണ്ട് വിക്കറ്റ് നഷ്ടത്തില് 76 റണ്സാണ് ബംഗ്ലാദേശ് നേടിയത്.
