ധാക്കയിലെ രണ്ടാം ടെസ്റ്റിന്റെ ആദ്യ ദിവസം അവസാനിക്കുമ്പോള്‍ ബംഗ്ലാദേശ് കരുത്തരായ നിലയിൽ. 277/5 എന്ന അതിശക്തമായ നിലയിൽ ബംഗ്ലാദേശ് ആദ്യ ദിവസം അവസാനിപ്പിച്ചപ്പോള്‍ 253 റൺസിന്റെ അപരാജിത കൂട്ടുകെട്ടുമായി ടീമിനെ മുന്നോട്ട് നയിക്കുകയായിരുന്നു.
24 റൺസ് നേടുന്നതിനിടെ ബംഗ്ലാദേശിന് അഞ്ച് വിക്കറ്റ് നഷ്ടമായപ്പോള്‍ കസുന്‍ രജിത മൂന്നും അസിത ഫെര്‍ണാണ്ടോ 2 വിക്കറ്റും നേടിയാണ് ശ്രീലങ്കന്‍ ബൗളര്‍മാരിൽ തിളങ്ങിയത്. അതിന് ശേഷം റഹിം – ദാസ് കൂട്ടുകെട്ട് ബംഗ്ലാദേശിന്റെ തിരിച്ചുവരവ് ഒരുക്കുകയായിരുന്നു.
ലിറ്റൺ ദാസ് 135 റൺസും മുഷ്ഫിക്കുര്‍ റഹിം 115 റൺസുമാണ് ആതിഥേയര്‍ക്കായി നേടിയത്.
