ഇന്ത്യയുടെ ടി20 സ്ക്വാഡ് തിരഞ്ഞെടുപ്പിനെ ചോദ്യം ചെയ്ത് ഡല്‍ഹി ക്യാപിറ്റൽസ് ഉടമ പാര്‍ത്ഥ് ജിന്‍ഡൽ. തന്റെ ടീമില്‍ മികച്ച ഫോമിൽ കളിക്കുന്ന ശിഖര്‍ ധവാനും ശ്രേയസ്സ് അയ്യരും ഇന്ത്യന്‍ സെലക്ടര്‍മാരുടെ ശ്രദ്ധ പിടിച്ച് പറ്റുവാന്‍ സാധിക്കാതെ ടീമിൽ ഇടം നേടിയിരുന്നില്ല.
ശ്രേയസ്സ് അയ്യര്‍ പരിക്ക് കാരണം നീണ്ട ഇടവേളയ്ക്ക് ശേഷം ഐപിഎലിലേക്ക് മടങ്ങിയെത്തി തന്റെ ഫോം വീണ്ടെടുക്കുന്ന കാഴ്ച കണ്ടപ്പോള്‍ ശിഖര്‍ ധവാന്‍ പതിവ് ശൈലിയിലാണ് ബാറ്റ് വീശിയത്.
മുംബൈയ്ക്കെതിരെ ആര്‍സിബിയുടെ യൂസുവേന്ദ്ര ചഹാലും തിളങ്ങിയപ്പോള്‍ പാര്‍ത്ഥ് ഇന്ത്യയുടെ മികച്ച ടി20 സ്പിന്നറെ എങ്ങനെ സെലക്ടര്‍മാര്‍ ഒഴിവാക്കിയെന്ന ചോദ്യവും ചോദിച്ചു.
എന്നാൽ താരങ്ങളുടെ ആരുടെയും പേരുകള്‍ പരാമര്‍ശിക്കാതെയാണ് പാര്‍ത്ഥ് തന്റെ ട്വിറ്ററിൽ ഇക്കാര്യം കുറിച്ചത്.
