പാകിസ്ഥാൻ ബാറ്റിംഗ് പരിശീലക സ്ഥാനം ഒഴിഞ്ഞ് യൂനിസ് ഖാൻ. ഇംഗ്ലണ്ട്, വെസ്റ്റിൻഡീസ് പരമ്പരകൾക്ക് തൊട്ടുമുൻപാണ് മുൻ പാകിസ്ഥാൻ ബാറ്റ്സ്മാൻ കൂടിയായ യൂനിസ് ഖാൻ സ്ഥാനം ഒഴിഞ്ഞത്. കഴിഞ്ഞ നവംബറിലാണ് യൂനിസ് ഖാൻ രണ്ട് വർഷത്തെ കരാറിൽ പാകിസ്ഥാൻ ടീമിന്റെ ബാറ്റിംഗ് പരിശീലകനാവുന്നത്. 2022 ടി20 ലോകകപ്പ് വരെയായിരുന്നു യൂനിസ് ഖാൻ പാകിസ്ഥാൻ ക്രിക്കറ്റ് ബോർഡ് കരാർ നൽകിയിരുന്നത്.
എന്നാൽ പാകിസ്ഥാനും ബോർഡും താരവും വഴി പിരിയാൻ തീരുമാനിക്കുകയായിരുന്നു. ഇതോടെ ഇംഗ്ലണ്ട് പര്യടനത്തിന് ഒരു ബാറ്റിംഗ് പരിശീലകൻ ഇല്ലാതെയാവും പാകിസ്ഥാൻ ടീം ഇറങ്ങുക. ഇംഗ്ലണ്ടിൽ പാകിസ്ഥാൻ മൂന്ന് ഏകദിന മത്സരങ്ങളും മൂന്ന് ടി20 മത്സരങ്ങളുമാണ് കളിക്കുക.
