ഗുപ്ടിലിനു ശതകം, നേപ്പിയറില്‍ വിജയത്തുടക്കവുമായി കിവീസ്

ബംഗ്ലാദേശിനെ 232 റണ്‍സില്‍ ഒതുക്കി ലക്ഷ്യം 44.3 ഓവറില്‍ 2 വിക്കറ്റ് നഷ്ടത്തില്‍ മറികടന്ന് ന്യൂസിലാണ്ട്. പരമ്പരയിലെ ആദ്യ മത്സരത്തില്‍ മാര്‍ട്ടിന്‍ ഗുപ്ടിലിന്റെ ശതകമാണ് കിവീസിനു 8 വിക്കറ്റ് വിജയത്തിലേക്ക് നീങ്ങുവാന്‍ കാര്യങ്ങള്‍ എളുപ്പമാക്കിയത്. ഗുപ്ടില്‍ 116 പന്തില്‍ നിന്ന് 117 റണ്‍സ് നേടി പുറത്താകാതെ നിന്നപ്പോള്‍ ഒപ്പം 45 റണ്‍സ് നേടി റോസ് ടെയിലര്‍ വിജയ സമയത്ത് ക്രീസില്‍ നിലയുറപ്പിച്ചു.

ഓപ്പണര്‍ ഹെന്‍റി നിക്കോളസ് 53 റണ്‍സ് നേടി പുറത്തായി. ഒന്നാം വിക്കറ്റില്‍ ഗുപ്ടിലുമായി 103 റണ്‍സ് നേടിയ ശേഷമാണ് താരത്തിന്റെ മടക്കം. കെയിന്‍ വില്യംസണ്‍ വേഗത്തില്‍ പുറത്തായെങ്കിലും റോസ് ടെയിലറിനൊപ്പം കൂടുതല്‍ വിക്കറ്റ് നഷ്ടമില്ലാതെ ഗുപ്ടില്‍ ന്യൂസിലാണ്ടിന്റെ വിജയം ഉറപ്പാക്കി. മത്സരത്തില്‍ 8 ബൗണ്ടറിയും 4 സിക്സുകളുമാണ് ഗുപ്ടില്‍ നേടിയത്.