ടി20 റാങ്കിംഗില്‍ ഒന്നാം സ്ഥാനം നേടി ന്യൂസിലാണ്ട്. 126 പോയിന്റാണ് ന്യൂസിലാണ്ട് ഇപ്പോള്‍ സ്വന്തമാക്കിയിട്ടുള്ളത്. ഇന്ന് നടന്ന മൂന്നാം ടി20 മത്സരത്തില്‍ വെസ്റ്റിന്‍ഡീസിനെ 119 റണ്‍സിനു പരാജയപ്പെടുത്തി 2-0 നു പരമ്പര സ്വന്തമാക്കുകയായിരുന്നു ന്യൂസിലാണ്ട്. 124 പോയിന്റുള്ള പാക്കിസ്ഥാനെയും 121 പോയിന്റുള്ള ഇന്ത്യയെയും പിന്തള്ളിയാണ് ന്യൂസിലാണ്ട് ഒന്നാം സ്ഥാനത്തേക്ക് എത്തിയത്.
നേരത്തെ രണ്ടാം സ്ഥാനത്തുണ്ടായിരുന്ന വെസ്റ്റിന്‍ഡീസ് അഞ്ചാം സ്ഥാനത്തേക്ക് പിന്തള്ളപ്പെട്ടു. പാക്കിസ്ഥാനെതിരെ ഈ മാസം അവസാനം നടക്കുന്ന ടി20 പരമ്പര 2-1 എന്ന മാര്‍ജിനില്‍ ജയിച്ചാല്‍ മാത്രമേ ന്യൂസിലാണ്ടിനു ഒന്നാം റാങ്ക് നിലനിര്‍ത്താനാകൂ.
കൂടുതൽ കായിക വാർത്തകൾക്ക് : www.facebook.com/FanportOfficial
