2020 കൗണ്ടി ചാമ്പ്യന്‍ഷിപ്പിന് മുഹമ്മദ് അബ്ബാസും, കളിക്കുക നോട്ടിംഗാംഷയറിന് വേണ്ടി

Sports Correspondent

Download the Fanport app now!
Appstore Badge
Google Play Badge 1

2020 കൗണ്ടി ചാമ്പ്യന്‍ഷിപ്പിനായി പാക് പേസര്‍ മുഹമ്മദ് അബ്ബാസിന്റെ സേവനം ഉറപ്പാക്കി നോട്ടിംഗാംഷയര്‍. സീസണിലെ ആദ്യത്തെ 9 മത്സരങ്ങളില്‍ താരം കൗണ്ടിയ്ക്കായി കളിക്കും. അതിന് ശേഷം ഇംഗ്ലണ്ടില്‍ പാക്കിസ്ഥാന്റെ ടെസ്റ്റ് സ്ക്വാഡിനൊപ്പം താരം ചേരും. മുമ്പ് ലെസ്റ്റര്‍ഷയറിന് വേണ്ടി ചാമ്പ്യന്‍ഷിപ്പില്‍ കളിച്ച താരം 19 മത്സരങ്ങളില്‍ നിന്ന് 79 വിക്കറ്റുകളാണ് വീഴ്ത്തിയത്.

പാക്കിസ്താനായി 15 ടെസ്റ്റുകളില്‍ അബ്ബാസ് കളിച്ചിട്ടുണ്ട്. ഇവയില്‍ നിന്ന് 66 വിക്കറ്റുകളാണ് താരം നേടിയിട്ടുള്ളത്. ടെസ്റ്റ് ക്രിക്കറ്റിലേക്ക് വൈകിയെത്തിയ താരമാണെങ്കിലും ഉടനടി പ്രഭാവമുണ്ടാക്കുവാന്‍ അബ്ബാസിന് സാധിച്ചുവെന്നാണ് നോട്ടിംഗാംഷയര്‍ മുഖ്യ കോച്ച് പീറ്റര്‍ മൂര്‍സ് പറയുന്നത്. ലെസ്റ്റര്‍ഷയറില്‍ കളിച്ചപ്പോള്‍ ഇംഗ്ലീഷ് സാഹചര്യങ്ങളുമായി മികച്ച രീതിയിലാണ് താരം ഇഴുകി ചേര്‍ന്നതെന്നും പീറ്റര്‍ മൂര്‍സ് വ്യക്തമാക്കി. ഇത് ടീമിന് ഗുണം ചെയ്യുമെന്നും മൂര്‍സ് അഭിപ്രായപ്പെട്ടു.