കൊറോണ വൈറസ് മൂലമുള്ള അപകട സാധ്യത മുൻപിൽകണ്ടുകൊണ്ട് ഇന്ത്യ – ഓസ്ട്രേലിയ പരമ്പര നടത്തേണ്ടെന്ന് മുൻ ഓസ്‌ട്രേലിയൻ താരം മാത്യു ഹെയ്ഡൻ. കൊറോണ വൈറസ് പടരുന്നതിനിടെ ഒക്ടോബർ-നവംബർ മാസത്തിൽ ഓസ്ട്രേലിയയിൽ വെച്ച് ടി20 ലോകകപ്പ് നടക്കാനുള്ള സാധ്യതയില്ലെന്നും ഹെയ്ഡൻ പറഞ്ഞു.
കൊറോണ വൈറസ് ബാധ ലോകത്താകമാനം പടർന്നതിനെ തുടർന്ന് ഇന്ത്യൻ പ്രീമിയർ ലീഗ് അടക്കം മുഴുവൻ ക്രിക്കറ്റ് മത്സരങ്ങളും നിർത്തിവെക്കേണ്ടി വന്നിരുന്നു. ഇതേ തുടർന്ന് ഈ വർഷം നടക്കേണ്ട ടി20 ലോകകപ്പും ഇന്ത്യ – ഓസ്ട്രേലിയ പരമ്പരയും നടക്കുമോ എന്ന കാര്യം സംശയത്തിലായിരുന്നു.
ഈ ഒരു ഘട്ടത്തിൽ ക്രിക്കറ്റ് മത്സരങ്ങൾ നടക്കാനുള്ള ഒരു സാധ്യതയും താൻ കാണുന്നില്ലെന്നും ടി20 ലോകകപ്പ് നടക്കുകയാണെങ്കിൽ കളിക്കാരുടെയും ആരാധകരുടെയും സുരക്ഷാ ഐ.സി.സി ഉറപ്പുവരുത്തണമെന്നും ഹെയ്ഡൻ പറഞ്ഞു. നിലവിൽ ഓസ്ട്രേലിയയിൽ യാത്രാവിലക്ക് ഉള്ളതുകൊണ്ട് തന്നെ ഒരു ആഗോള ടൂർണമെന്റ് നടക്കാനുള്ള സാധ്യത വളരെ കുറവാണെന്നും ഹെയ്ഡൻ പറഞ്ഞു.
