ലങ്കയ്ക്കെതിരെയുള്ള തോല്‍വിയ്ക്ക് കാരണം ടോസ് നഷ്ടമായതും മോശം ബാറ്റിംഗ് പ്രകടനവുമാണെന്ന് പറഞ്ഞ് ബംഗ്ലാദേശ് ക്യാപ്റ്റന്‍ മോമിനുള്‍ ഹക്ക്. ടോസ് മത്സരത്തിനെ 50 ശതമാനത്തോളം ബാധിച്ചുവെന്നാണ് ബംഗ്ലാദേശ് ക്യാപ്റ്റന്‍ പറഞ്ഞത്. 209 റണ്‍സിന്റെ തോല്‍വിയാണ് മത്സരത്തില്‍ ബംഗ്ലാദേശ് ഏറ്റുവാങ്ങിയത്.
രണ്ട് ലോകോത്തര സ്പിന്നര്‍മാരുള്ളതിനാല്‍ തന്നെ ടീമിന്റെ കോമ്പിനേഷന്‍ തെറ്റായി എന്ന് തനിക്ക് തോന്നുന്നില്ലെന്നും മോമിനുള്‍ വ്യക്തമാക്കി. ടീമിന്റെ മോശം ബാറ്റിംഗ് ആണ് തിരിച്ചടിയായതെന്നും ബംഗ്ലാദേശ് നായകന്‍ സൂചിപ്പിച്ചു.
ശ്രീലങ്ക മൂന്ന് സ്പിന്നര്‍മാരുമായാണ് മത്സരത്തിനിറങ്ങിയതെങ്കില്‍ ബംഗ്ലാദേശ് പേസര്‍മാര്‍ക്കാണ് പ്രാമുഖ്യം നല്‍കിയത്.
