ന്യൂസിലാണ്ടിനെതിരെ നേപ്പിയറില്‍ മാര്‍ട്ടിന്‍ ഗുപ്ടിലിനെ പുറത്താക്കിയപ്പോള്‍ തന്റെ ഏകദിനത്തിലെ നൂറ് വിക്കറ്റുകള്‍ തികച്ച് മുഹമ്മദ് ഷമി. 5 റണ്‍സ് നേടിയ മാര്‍ട്ടിന്‍ ഗുപ്ടിലിനെ ക്ലീന്‍ ബൗള്‍ഡാക്കിയാണ് ഷമി തന്റെ 100 വിക്കറ്റ് നേട്ടം കൊയ്തത്. മുഹമ്മദ് ഷമി തന്നെ മറ്റൊരു ഓപ്പണര്‍ കോളിന്‍ മണ്‍റോയെയും വീഴ്ത്തി ന്യൂസിലാണ്ടിനു വീണ്ടും തിരിച്ചടിയേല്പിക്കുകയായിരുന്നു.
56 മത്സരങ്ങളില്‍ നിന്ന് നൂറ് വിക്കറ്റിലെത്തിയ മുഹമ്മദ് ഷമി തന്നെയാണ് ഏറ്റവും കുറച്ച് മത്സരങ്ങളില്‍ നിന്ന് ഈ നേട്ടം സ്വന്തമാക്കുന്ന ഇന്ത്യന്‍ താരം. 59 മത്സരങ്ങളില്‍ നിന്ന് ഈ നേട്ടം കുറിച്ച ഇര്‍ഫാന്‍ പത്താന്റെ പേരിലായിരുന്നു ഇതുവരെ ഈ റെക്കോര്‍ഡ്. സഹീര്‍ ഖാന്‍ 65 മത്സരങ്ങളില്‍ നിന്നും അജിത് അഗാര്‍ക്കര്‍ 67 മത്സരങ്ങളില്‍ നിന്നുമാണ് ഈ നേട്ടം കൊയ്തത്.
