പാക്കിസ്ഥാന്റെ ഇംഗ്ലണ്ട് പരമ്പരയില്‍ നിന്ന് പിന്മാറി മുഹമ്മദ് അമീറും ഹാരിസ് സൊഹൈലും. ഇരുവരും വ്യക്തിപരമായ കാരണങ്ങള്‍ ചൂണ്ടിക്കാട്ടിയാണ് പിന്മാറിയിരിക്കുന്നത്. അമീര്‍ തന്റെ രണ്ടാം കുഞ്ഞിന്റെ ജനനത്തിനായി ആണഅ പരമ്പരയില്‍ നിന്ന് വിട്ട് നില്‍ക്കുന്നതെങ്കില്‍ ഹാരിസ് വ്യക്തിപരമായ കാരണങ്ങള്‍ പറഞ്ഞാണ് പരമ്പരയില്‍ നിന്ന് പിന്മാറിയത്.
ഓഗസ്റ്റിലും സെപ്റ്റംബറിലുമായാണ് പാക്കിസ്ഥാന്റെ ഇംഗ്ലണ്ട് പരമ്പര നടക്കേണ്ടിയിരുന്നത്. അമീറിന് അടുത്തിടെ കേന്ദ്ര കരാര്‍ പാക്കിസ്ഥാന്‍ ബോര്‍ഡ് നല്‍കിയിരുന്നില്ല. 28 കളിക്കാരെയും 14 സപ്പോര്‍ട്ട് സ്റ്റാഫിനെയുമാവും പാക്കിസ്ഥാന്‍ ഇംഗ്ലണ്ടിലേക്ക് അയയ്ക്കുക എന്ന് വെളിപ്പെടുത്തിയിരുന്നു.
