അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ വ്യാഴാഴ്ച നടക്കുന്ന ഇന്ത്യയും ഓസ്ട്രേലിയയും തമ്മിലുള്ള ബോർഡർ-ഗവാസ്കർ ട്രോഫിക്കായുള്ള നാലാമത്തെയും അവസാനത്തെയും ടെസ്റ്റ് മത്സരത്തിന്റെ ഉദ്ഘാടന ദിനത്തിൽ ഓസ്ട്രേലിയൻ പ്രധാനമന്ത്രി ആന്റണി അൽബനീസും ഇന്ത്യൻ പ്രധാനമന്ത്രി നരേന്ദ്ര മോദിയും പങ്കെടുക്കും. ഇരുവരും നാളെ മത്സരം കാണാൻ ഉണ്ടാകും. മോദി ആകും ടോസ് ചെയ്യുക എന്നാണ് റിപ്പോർട്ടുകൾ.
ടോസിന് രണ്ട് രാജ്യതലവന്മാരും ഉണ്ടാകും എന്ന് ഓസ്ട്രേലിയൻ പ്രധാനമന്ത്രി തന്നെയാണ് കഴിഞ്ഞ ദിവസം പറഞ്ഞത്. പരിപാടിയുടെ ഒരുക്കമായി സ്റ്റേഡിയത്തിൽ ഇരു നേതാക്കളുടെയും ബാനറുകൾ ഇതിനകം സ്ഥാപിച്ചിട്ടുണ്ട്. ഇരു നേതാക്കളുടെയും സാന്നിധ്യം അന്താരാഷ്ട്ര ബന്ധങ്ങൾ പ്രോത്സാഹിപ്പിക്കുന്നതിൽ സ്പോർട്സിന്റെ പ്രാധാന്യം അടിവരയിടുകയും ഓസ്ട്രേലിയയും ഇന്ത്യയും തമ്മിലുള്ള ശക്തമായ ബന്ധത്തെ എടുത്തുകാണിക്കുകയും ചെയ്യുന്നു.
