ഷഹീന്‍ അഫ്രീദിയ്ക്ക് പകരം ഉമേഷ് യാദവിനെ ടീമിലെത്തിച്ച് മിഡിൽസെക്സ്

2022 കൗണ്ടി ചാമ്പ്യന്‍ഷിപ്പിലും വൺ-ഡേ കപ്പിനുമുള്ള ടീമിലേക്ക് ഇന്ത്യന്‍ പേസര്‍ ഉമേഷ് യാദവിനെ ടീമിലെത്തിച്ച് മിഡിൽസെക്സ്. ഷഹീന്‍ അഫ്രീദിയ്ക്ക് പകരം ആണ് താരത്തെ വിദേശ താരമായി കൗണ്ടി ടീമിലെത്തിച്ചിരിക്കുന്നത്.

പരിചയസമ്പത്തുള്ള ലോക നിലവാരമുള്ള താരമാണ് ഉമേഷ് യാദവ് എന്നാണ് ക്ലബ് പ്രതികരിച്ചത്. മികച്ച വേഗത്തിൽ പന്തെറിയുന്ന ഉമേഷിന് ഇംഗ്ലണ്ടിലെ സാഹചര്യങ്ങളില്‍ ബാറ്റ്സ്മാന്മാരെ ബുദ്ധിമുട്ടിക്കുവാന്‍ സാധിക്കുമെന്നും മിഡിൽസെക്സ് ഹെഡ് ഓഫ് മെന്‍സ് പെര്‍‍ഫോമന്‍സ് ക്രിക്കറ്റ് ആയ അലന്‍ കോള്‍മാന്‍ വ്യക്തമാക്കി.