ചട്ടോഗ്രാമിലെ ആദ്യ ടെസ്റ്റില്‍ 430 റണ്‍സെന്ന മികച്ച സ്കോര്‍ നേടി ബംഗ്ലാദേശ്. മെഹ്ദി ഹസന് നേടിയ 103 റണ്‍സിന്റെ ബലത്തിലാണ് ഈ സ്കോര്‍ ബംഗ്ലാദേശ് നേടിയത്. വാലറ്റത്തിന്റെ മികവില്‍ ബംഗ്ലാദേശിന് അവസാന മൂന്ന് വിക്കറ്റില്‍ 115 റണ്‍സാണ് നേടാനായത്.
തൈജുല്‍ ഇസ്ലാം(18), നയീം ഹസന്(24) എന്നിവരാണ് മെഹ്ദിയ്ക്ക് പിന്തുണ നല്‍കിയത്. നേരത്തെ ഷാക്കിബ് അല്‍ ഹസന് (68) തന്റെ അര്‍ദ്ധ ശതകവും ലിറ്റണ്‍ ദാസ് 38 റണ്‍സും നേടിയാണ് ബംഗ്ലാദേശിന് വേണ്ടി നിര്‍ണ്ണായക സംഭാവനകള്‍ നല്‍കിയത്.
