മാറ്റ് ഹെന്‍റിയുടെ കരാര്‍ റദ്ദാക്കി കെന്റ്

- Advertisement -

കൊറോണ ഭീതിയ്ക്കിടെ കൗണ്ടി ക്രിക്കറ്റ് അനിശ്ചിതമായി നീളുന്നതിനിടെ മറ്റൊരു വിദേശ താരത്തിന്റെ കരാര്‍ കൂടി റദ്ദാക്കപ്പെട്ടു. കൗണ്ടി ക്ലബായ കെന്റ് ന്യൂസിലാണ്ട് ഫാസ്റ്റ് ബൗളര്‍ മാറ്റ് ഹെന്‍റിയുടെ കരാറാണ് റദ്ദാക്കിയത്. നേരത്തെ മൈക്കല്‍ നീസര്‍, ചേതേശ്വര്‍ പുജാര, നഥാന‍ ലയണ്‍ എന്നിവരുടെ കരാറുകള്‍ ഇത്തരം സാഹചര്യത്തില്‍ റദ്ദാക്കിയിരുന്നു.

കൗണ്ടി ചാമ്പ്യന്‍ഷിപ്പില്‍ കെന്റിന്റെ ആദ്യ ഏഴ് മത്സരങ്ങളിലായിരുന്നു ഹെന്‍റി കളിക്കേണ്ടിയിരുന്നത്. എന്നാല്‍ മെയ് 28 വരെ കൗണ്ടി ക്രിക്കറ്റ് നീട്ടിയതോടെയാണ് ഇപ്പോളുള്ള സ്ഥിതി ഉയര്‍ന്ന് വന്നത്. 2018ല്‍ 11 മത്സരങ്ങളില്‍ നിന്ന് 75 വിക്കറ്റാണ് ഹെന്‍റി സ്വന്തമാക്കിയത്.

Advertisement