ഇംഗ്ലണ്ടിനെതിരെയുള്ള ആദ്യ ടെസ്റ്റില്‍ ജോഫ്ര ആര്‍ച്ചറുടെ വെല്ലുവിളിയെ അതിജീവിക്കുവാന്‍ ലോക്കി ഫെര്‍ഗൂസണെ അണി നിരത്തി ന്യൂസിലാണ്ടിന് പ്രതിരോധം തീര്‍ക്കാനാകുമെന്ന പ്രതീക്ഷയില്‍ ന്യൂസിലാണ്ട് കോച്ച് ഗാരി സ്റ്റെഡ്. ആഷസില്‍ 22 ടെസ്റ്റ് വിക്കറ്റുകള്‍ നേടിയ ജോഫ്രയ്ക്ക് കടുത്ത വെല്ലുവിളിയാവും അരങ്ങേറ്റം നടത്തുവാന്‍ പോകുന്ന ഫെര്ഗൂസണ് എന്നാണ് ഗാരി സ്റ്റെഡിന്റെ വിശ്വാസം.
ജോഫ്ര ആര്‍ച്ചര്‍ തീര്‍ച്ചയായും വെല്ലുവിളിയാവും എന്നാല്‍ തങ്ങളുടെ ടീമിലും അതേ പേസില്‍ പന്തെറിയുന്ന ലോക്കി ഫെര്ഗൂസണ് ഉണ്ടെന്നതിനാല്‍ തീയെ തീ കൊണ്ട് നേരിടുകയെന്നത് തന്നെയാവും ന്യൂസിലാണ്ടിന്റെ ലക്ഷ്യമെന്ന് സ്റ്റെഡ് പറഞ്ഞു.
ജോഫ്ര ലോകോത്തര ബൗളറാണെന്നതില്‍ ആര്‍ക്കും സംശയമില്ല എന്നാല്‍ ന്യൂസിലാണ്ടിന്റെ അഞ്ച് പേസ് ബൗളര്‍മാരും അതി ശക്തരാണെന്ന് സ്റ്റെഡ് പറഞ്ഞു.
