കോഹ്ലിയില്ലാത്ത ഇന്ത്യയെ കാത്തിരിക്കുന്നത് 4-0ന്റെ പരാജയം – മൈക്കല് ക്ലാര്ക്ക്
വിരാട് കോഹ്ലി ആദ്യ ടെസ്റ്റിന് ശേഷം മടങ്ങുന്ന ഇന്ത്യയ്ക്ക് നേരിടേണ്ടി വരിക 4-0ന്റെ കനത്ത പരാജയമായിരിക്കുമെന്ന് പറഞ്ഞ് മുന് ഓസ്ട്രേലിയന് നായകന് മൈക്കല് ക്ലാര്ക്ക്. ആദ്യ ടെസ്റ്റില് വിരാട് കോഹ്ലി ഇന്ത്യയ്ക്കായി അത്ഭുതങ്ങള് കാണിച്ചില്ലെങ്കില് പിന്നീടുള്ള മത്സരങ്ങളില് ഇന്ത്യയുടെ നിസ്സഹായാവസ്ഥ ഏവര്ക്കും കാണാനാകുമെന്ന് ക്ലാര്ക്ക് പറഞ്ഞു.
പരിമിത ഓവര് ക്രിക്കറ്റ് പരമ്പര കഴിഞ്ഞ് ആദ്യ ടെസ്റ്റിന് ശേഷം ഇന്ത്യന് നായകന് വിരാട് കോഹ്ലി തന്റെ കുഞ്ഞിന്റെ ജനനത്തിനായി ഓസ്ട്രേലിയയില് നിന്ന് നാട്ടിലേക്ക് മടങ്ങും. ആദ്യ ടെസ്റ്റില് ഓസ്ട്രേലിയയെ പരാജയപ്പെടുത്തുവാന് ഇന്ത്യയ്ക്ക് ആയാല് മാത്രമേ പരമ്പരയില് വലിയ നാണക്കേടില്ലാതെ ഇന്ത്യയ്ക്ക് മടങ്ങാനാകൂ എന്നും മൈക്കല് ക്ലാര്ക്ക് വ്യക്തമാക്കി.
ഡിസംബര് 17ന് അഡിലെയ്ഡിലാണ് ആദ്യ ടെസ്റ്റ് അരങ്ങേറുക. ഏകദിനത്തിലും ടി20യിലും ഇന്ത്യയുടെയും വിരാടിന്റെയും പ്രകടനം മോശമെങ്കില് ടെസ്റ്റ് പരമ്പരയും ടീം 4-0ന് കൈവിടുമെന്ന് മൈക്കല് ക്ലാര്ക്ക് അഭിപ്രായപ്പെട്ടു.