ഖവാജ കോഹ്‍ലിയെ മറികടക്കും: പോണ്ടിംഗ്

Sports Correspondent

Download the Fanport app now!
Appstore Badge
Google Play Badge 1

ഇന്ത്യ-ഓസ്ട്രേലിയ ടെസ്റ്റ് പരമ്പരയില്‍ വിരാട് കോഹ്‍ലിയെ പിന്തള്ളി ഓസീസ് ബാറ്റ്സ്മാന്‍ ഉസ്മാന്‍ ഖവാജ പരമ്പരയിലെ താരവും പരമ്പരയിലെ ഏറ്റവും അധികം റണ്‍സ് നേടുന്ന താരവുമായി മാറുമെന്ന് അഭിപ്രായപ്പെട്ട് റിക്കി പോണ്ടിംഗ്. പരമ്പരയില്‍ ഏത് ടീമാണോ നന്നായി ബാറ്റ് ചെയ്യുന്നത് അവര്‍ പരമ്പര സ്വന്തമാക്കുമെന്ന് പറഞ്ഞ പോണ്ടിംഗ് ഓസീസ് ബാറ്റ്സ്മാന്മാര്‍ക്ക് മുന്‍തൂക്കമുണ്ടെന്നും പറഞ്ഞു.

ഇരു ടീമുകളിലെയും പേസ് ബൗളിംഗ് ശക്തിയുള്ളതാണ്. ഇന്ത്യന്‍ പേസ് ബൗളര്‍മാരെ ഓസീസ് നിര മെച്ചപ്പെട്ട രീതിയില്‍ നേരിടുമെന്നും അത്ര കണ്ട് ഇന്ത്യന്‍ ബാറ്റ്സ്മാന്മാര്‍ക്ക് ഓസീസ് പേസര്‍മാരെ നേരിടാനാകില്ലെന്നും അതാവും പരമ്പരയിലെ വ്യത്യാസമെന്നും റിക്കി പോണ്ടിംഗ് അഭിപ്രായപ്പെട്ടു.

ഈ വര്‍ഷം ഓസ്ട്രേലിയയുടെ ടോപ് സ്കോററായ ഖവാജ തന്നെയാവും ഈ പരമ്പരയിലും ടീമിനെ മുന്നില്‍ നിന്ന് നയിക്കുന്നതെന്ന് പറഞ്ഞ പോണ്ടിംഗ് താരം വിരാട് കോഹ്‍ലിയെ മറികടന്ന് പരമ്പരയില്‍ ഏറ്റവും അധികം റണ്‍സ് നേടുമെന്നും പറഞ്ഞു. കോഹ്‍ലി തീര്‍ച്ചയായും മികച്ച രീതിയില്‍ ബാറ്റ് വീശുമെന്ന് ഉറപ്പ് പറഞ്ഞ പോണ്ടിംഗ് അതിനെക്കാള്‍ മികച്ച പ്രകടനം ഖവാജ പുറത്തെടുക്കുമെന്നും പറഞ്ഞു.