സച്ചിന്‍ ബേബിയ്ക്ക് ശതകം, അര്‍ദ്ധ ശതകം നേടി വിഷ്ണു വിനോദ്, കേരളത്തിനു ലീഡ്

- Advertisement -

അവിശ്വസനീയമായ ഏഴാം വിക്കറ്റ് കൂട്ടുകെട്ടിന്റെ ബലത്തില്‍ ഇന്നിംഗ്സ് തോല്‍വി ഒഴിവാക്കി കേരളം. സച്ചിന്‍ ബേബി ശതകവും വിഷ്ണു വിനോദ് അര്‍ദ്ധ ശതകവും നേടിയ ഏഴാം വിക്കറ്റ് കൂട്ടുകെട്ടില്‍ നേടിയ 167 റണ്‍സിന്റെ ബലത്തിലാണ് കേരളം മധ്യ പ്രദേശിന്റെ ലീഡ് മറികടന്നത്. 130 റണ്‍സുമായി സച്ചിന്‍ ബേബിയും 7 റണ്‍സ് നേടി വിഷ്ണു വിനോദുമാണ് മധ്യ പ്രദേശ് ബൗളര്‍മാരെ വെള്ളം കുടിപ്പിച്ച് മൂന്നാം ദിവസം കേരളത്തെ മുന്നോട്ട് നയിക്കുന്നത്. കേരളം 67 ഓവറുകള്‍ പിന്നിട്ടപ്പോള്‍ 267 റണ്‍സാണ് 6 വിക്കറ്റ് നഷ്ടത്തില്‍ നേടിയത്.

141 പന്തില്‍ നിന്നാണ് സച്ചിന്‍ ബേബി തന്റെ ശതകം പൂര്‍ത്തിയാക്കിയത്. അതേ സമയം 63 പന്തുകള്‍ നേരിട്ടാണ് വിഷ്ണു വിനോദ് തന്റെ അര്‍ദ്ധ ശതകം തികച്ചത്.

ലീഡ് നേടിയെങ്കിലും നാല് വിക്കറ്റ് മാത്രം കൈവശമുള്ള കേരളത്തിനു എത്ര നേരം ക്രീസില്‍ പിടിച്ച് നിന്നു സ്കോറിംഗ് മുന്നോട്ട് കൊണ്ടു പോകാമെന്നതിനെ ആശ്രയിച്ചിരിക്കും മത്സരത്തില്‍ നിന്ന് തോല്‍വി ഒഴിവാക്കുകയെന്നത് സ്വപ്നം കാണുവാനാവുക.

Advertisement