ശ്രീലങ്കയ്ക്കെതിരെ വ്യാഴാഴ്ച ആരംഭിയ്ക്കുന്ന ക്രൈസ്റ്റ്ചര്‍ച്ച് ടെസ്റ്റിൽ കെയിന്‍ വില്യംസൺ കളിക്കുമെന്ന് അറിയിച്ച് ക്യാപ്റ്റന്‍ ടിം സൗത്തി. നിലവിൽ തന്റെ അമ്മുമ്മയുടെ മരണം കാരണം ടീമിനൊപ്പം താരമില്ലെങ്കിലും അവസാന നിമിഷം ടീമിനൊപ്പം താരം ചേരുമെന്ന് സൗത്തി അറിയിച്ചു.
താരം ടൗരാംഗയിൽ പരിശീലനം നടത്തുന്നുണ്ടെന്നാണ് അറിയുവാന്‍ കഴിയുന്നതെന്നും സൗത്തി കൂട്ടിചേര്‍ത്തു. ഇംഗ്ലണ്ടിനെതിരെയുള്ള ന്യൂസിലാണ്ടിന്റെ ഒരു റൺസ് വിജയത്തിൽ നിര്‍ണ്ണായക പ്രകടനം വില്യംസണിൽ നിന്ന് വന്നിരുന്നു.
